Vestnes

Kommunesenteret Vestnes ligg vakkert plassert mellom majestetiske fjell på sørsida av Romsdalsfjorden. Her bur 2 432 av kommunens 6 532 innbyggarar (2020), og her finn du det aller meste av det du treng innan handel. Tettstaden er eit viktig knutepunkt for ferdsel mot Ålesund, Molde og Åndalsnes.

Fiksdal

Fiksdal, med sine 376 innbyggarar, er ei bygd med mykje aktivitet og vakker natur. Landhandel, oppvekstsenter og forsamlingshus er viktige treffpunkt.

Rekdal

Lengst vest i kommunen finn vi grenda Rekdal, med kommunegrense til Ålesund, og med majestetiske Rekdalshesten, eit fjell som med sine 782 meter reiser seg rett opp frå fjorden.

Vikebukt

Lengst aust i kommunen, mot grensa til Rauma kommmune, finn du Vikebukt. Bygda ligg solrikt og lett tilgjengeleg til ved innløpet til Tresfjorden. Vegen til kommunesenteret Vestnes vart betrakteleg kortare etter at Tresfjordbrua vart bygd.

Tomrefjord

Langs austsida av den 9 kilometer lange Tomrefjorden finn vi tettstaden Tomrefjord med sine 1117 innbyggarar (2019). Her er skule, landhandel og idrettsbygg, for å nemne nokre av samlingspunkta. To av dei fire største verfta i kommunen ligg i Tomrefjord.

Tresfjord

Omkransa av dei vakre Tresfjordfjella, inst inne i fjordarma Tresfjorden, finn vi bygda Tresfjord. Oppvekstsenter, landhandel og forsamlingshus er viktige treffpunkt. Aktivitetsnivået i frivillige lag og organisasjonar er høgt, med fleire faste storsatsingar gjennom året.

Øverås og Nerås

Bygdene Øverås og Nerås ligg landleg til mellom Tomrefjord og Vestnes. Her er forsamlingshus og turmoglegheiter til Lauvåsen og Faksen.