Torsdag 16. april:
17.30: Søblomsten førfest for barn på Vestnes biblioteket
Fredag 17. april
17.00-20.00: Åpen restaurant med Søblomstenmeny på Vestnes Fjordhotell
20.00-00.00: Søblomsten quiz med Skippertak Quizforening på Vestnes Fjordhotell
Lørdag 18. april
12.00 : SJØSETTING med kulturprogram
11.00-15.00: Aktiviteter for barn på ALTI
15.00-20.00: Åpen restaurant med Søblomstenmeny på Vestnes Fjordhotell
20.00-00: Korpub på Vestnes Fjordhotell
Foodtruck pop-up fra torsdag til søndag
PROGRAM
LARS JENSEN HAMMERAAS
Hammeraas kom opphavleg frå Hardanger, men slo seg ned på Vestnes i 1850‑åra.
I løpet av dei første tolv åra på Vestnes bygde Lars Jensen Hammeraas 22 små og store fartøy i Hellandsbukta. Arbeidsstokken henta han både frå nærområdet og frå andre delar av landet. Sjølv om han verken kunne lese eller skrive, var han ein særs dyktig båtbyggjar. Mellom 1873 og 1875 stod han bak bygginga av fullriggeren Herman Lehmkuhl, eit prosjekt som samla rundt 70 arbeidarar.
Mange av dei som arbeidde for Hammeraas utvikla seg til erfarne båtbyggjarar og etablerte eigne verft. Dette la grunnlaget for ei omfattande båtbyggjarnæring i Vestnes, som gjennom tidene har hatt heile 82 verft i drift. Hammeraas bygde over 50 skip, men berre eitt av dei er bevart i dag: Søblomsten.
Hammeraas blir rekna som ein av dei viktigaste pionerane bak den maritime industrien som framleis pregar Vestnes. Arven etter han har hatt stor betydning for regionen, og Søblomsten står i dag som eit synleg symbol på romsdalsk skipsbyggjartradisjon og på starten av utviklinga av ei sterk maritim klynge på Nordvestlandet.
SØBLOMSTEN
Lars Jensen Hammeraas sjøsette den 77 fot lange galeasen Søblomsten i Hellandbukta i 1864. Ho vart levert til kjøpmann Lars A. Bakke den 25. oktober same året, og gjekk rett i utanriksfart med klippfisk til mellom anna Barcelona, Lisboa og hamner rundt Østersjøen. På heimveg til Noreg frakta ho varer som salt, kol og korn.
Etter 17 år vart Søblomsten seld, og ho fekk fleire nye eigarar og heimehamner mellom Kristiansund og Bodø. Gjennom heile denne perioden heldt ho fram som eit aktivt frakteskip langs kysten.
I 1990 vart fartøyet kjøpt av den nystifta Stiftinga Søblomsten i Rørvik, som ønskte å tilbakeføre skuta til den opphavlege utforminga. Mellom 1992 og 2000 vart skrog og dekk i stor grad gjort treferdige. Då arbeidet stoppa opp, overtok Båtbyggarmuseet i Vestnes Søblomsten i 2020 og henta ho heim. Vidare restaurering og ferdigstilling har sidan halde fram på Helland – berre hundre meter frå staden der båten vart bygd i 1864. I restaureringa er det lagt stor vekt på å bruke tradisjonshandverk og løysingar som ligg tett opp til originalen. Tradisjonshandverkarar og frivillige har drive arbeidet i samarbeid med mellom andre Hardanger fartøyvernsenter og Riksantikvaren.
Søblomsten er i dag ein del av Noreg si verna flåte. Vernestatusen sikrar fartøyet eit langsiktig perspektiv, og planen er at ho skal driftast som eit seglande museumsskip frå Helland. Romsdalsmuseet vil ha ansvar for drifta, og om bord skal ein formidle historia om skipsbygging i Vestnes, om Lars Hammeraas og om livet på ei tradisjonell seglskute.
