Del eit glimt frå kvardagen!
I samband med prosjektet Mangfald lagar produksjonsselskapet Oclin kortfilmar for Vestnes kommune. No oppfordrar vi bedrifter, lag, organisasjonar og tilsette i Vestnes kommune til å sende inn små videosnuttar frå kvardagen sin.
Kva slags klipp ser vi etter?
Vi vil gjerne sjå glimt som viser trivsel, samarbeid, inkludering og fellesskap – både i små og store augeblikk.
Det kan til dømes vere:
Frå arbeidsplassen, til dømes ein vanleg dag, ei lunsjpause, samarbeid i kvardagen eller ei feiring.
Frå aktivitetar eller arrangement i nærmiljøet, til dømes frå øving, trening eller andre sosiale samanhengar.
Frå dugnad, kurs eller prosjekt de jobbar med.
Situasjonar frå scena, ute i naturen, på bana, på verkstadet, i butikken eller på kontoret er aktuelle - men også mange andre situasjonar. Det viktigaste er at klippa fangar det gode mangfaldet og fellesskapet i Vestnes.
Frist: 16. november 2025