Skule
Vestnes kommune har eit godt og solid skuletilbod, med grunnskular, vidaregåande skule, vaksenopplæring og kulturskule. Felles for dei alle er evne til samarbeid på tvers, engasjerte lærarkrefter og høg trivsel blant elevane.
-
Helland barneskule
Helland barneskule er ein skule med elevar frå 1. - 7. årssteg. Elevane kjem frå Vågstranda, Vike, Tresfjord og Helland krins. Skulebygget er i utgangspunktet ein barne- og ungdomsskule, og det er vedtatt ombygging og renovering av bygget. I ombyggingsfasen er ungdomsskuleelevane flytta til Tresfjord.
-
Helland ungdomsskule
Helland ungdomsskule har si undervisning i Tresfjord. Dette grunna ombygging og renovering av den eksisterande ungdomsskulen og barneskulen på Helland.
-
Vike Montessoriskule
Privatskulen er eit pedagogisk alternativ i Vestnes med 70 elevplassar. Skulen ligg på Vikebukt og arbeider etter Maria Montessori sine prinsipp.
-
Tomrefjord skule
Tomrefjord skule er ein kombinert barne- og ungdomsskule med 230 elevar, som bruker naturen aktivt i undervisninga.
-
Fiksdal friskule
Fiksdal Friskule er ein privat skule eigd og drifta av bebuarane i bygdene Fiksdal og Rekdal. Skulen er bygd på ein kristen profil og følgjer ein læreplan godkjent av Utdanningsdirektoratet.
Skulen er godkjent av UDIR for å drive skule for 1. til 7. trinn. Skulen er open for alle barn i skulealder, uavhengig av bakgrunn og livssyn.
-
EnSpire – Tresfjord friskule
EnSpire - Tresfjord friskule er ein privateigd barneskule som driv etter ein eigen læreplan som EnSpire Norge AS har utarbeidd.
Andre skuletilbod
-
Vestnes kulturskule
Kulturskulen i Vestnes har nærare 500 elevplassar. Som elev ved Vestnes kulturskule får du undervisning i eitt eller fleire kunstfag. I tillegg får du høve til å vere med på konsertar og større forestillingar.
-
Gjermundnes vidaregåande skule
Den einaste landbruksskulen i Møre og Romsdal som har grøn line. I tillegg til å gi utdanning til framtidige tilsette i landbruket, har dei og utdanningsprogram som er viktig for å rekruttere arbeidskraft til den lokale skipsindustrien.
-
Vestnes vaksenopplæring
Ein kommunal skule for norske og minoritetsspråklege vaksne. Ungdomar frå andre land med rett og/eller plikt til opplæring i norsk og samfunnskunnskap, kan få opplæring frå dei fyller 16 år.